12.3 C
Kičevo
Thursday, Октомври 22, 2020

Нова статија за историјата на Кнежино и Кнежинско – Зоран Јованоски

Сведоштва :

СЕЛОТО МИРКОС?!?

Сигурно се прашувате: “За што се работи?” Одговорот “лежи” во редовите што се пред Вас.
Листајќи ги старите записи вниманието ми го привлече селото Миркос, кое е забележано во Османлиските пописни дефтери.
Да бидам искрен. Од моите материјали не успеав да ја определам неговата локација. Единствено што можев да дознаам беше бројот на неговите жители во четирите реализирани пребројувања на населението.
Но, благодарение на Станко Китаноски чии што корени се од селото Кнежино, сепак успеав да ја разрешам и оваа “енигма”. Со негова помош дојдов до сознание дека ова малечко село се наоѓало источно од денешното село Кнежино, на локалитетот Маркулези.
Според моите податоци од 1468 година, било регистрирано само едно христијанско семејство и едно неженето лице, исто така христијанин. Инаку, овој податок упатува на тоа дека тогашното село Миркос, односно Миркус (во зависност од користениот извор – м. з.) едвај имало десетина жители. Нивниот број се “зголемува” по 13 години. Така, во 1481 година, со пописот, ќе бидат евидентирани 3 семејства, односно петнаесетина жители. Еден жител повеќе бил регистриран со пописот од 1545 година, кога повторно биле пребројани 3 христијански семејства и еден неженет христијанин. По 24 години, односно во 1569 година, царските луѓе во Миркос, односно Миркус, ќе пребројат 5 семејства и 4 неженети лица и вдовици, или триесетина жители.
Бидејќи, сега за сега, располагам со податоци кои се однесуваат на состојбите во Кичевската нахија во 15 и 16 век, не можам да го следам натамошното движење на населението и од ова село.
Она што успеав да дознам е тоа што дека Миркос, и останатите села кои се наоѓале во близина на манастириот “Свети Ѓорѓија”, за кои веќе имам пишувано, ја доживува истата судбина, односно во првата половина на 18 век, поточно во 1739 година, го снемува од лицето на земјата, заедно со манастирот и околните села.
“Другарувајќи” со старите документи дојдов до уште “откритие”. Бидејќи селото Миркос, односно Миркус се наоѓало на локалитетот Маркулези, во одредени пишувани документи од “понов датум”, се разбира во споредба со пописните дефтери, стои, “… село Маркулези” , а не село Миркос, односно Миркус. Со други зборови името на селото е заведено според името на локалитетот.
Токму затоа долго време на постоењето на селото Миркос, односно Миркус, не можев да му влезам во трага. Конечно и оваа “енигма” е решена, со што практично “нештата стануваат и појасни” .

Превземено од Моите страници на авторот Зоран Јованоски.
Благодарност до авторот од порталот www.knezino.mk со желба за понатамошни творечки успеси.


© Кнежино.мк – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

СЛЕДЕТЕ НЕ

1,056LikesLike
112FollowersFollow
47SubscribersSubscribe

Последни објави

Изградба на шахта на спојот (влезот) на цревото од стариот реконструиран резервоар во постоечкиот водоводен систем

Изградба на шахта на спојот (влезот) на цревото од стариот реконструиран резервоар во постоечкиот водоводен систем.

[#4] Кнежино во изградба [ФОТО]

Го следиме прогресот во реализацијата на проектот за уредување на улиците и патиштата во с.Кнежино.

Драги пријатели, упатуваме апел за помош за нашиот кичевчанец Тони, кој вчера ненадејно му почина сопругата – да помогнеме!

И кога ни малку човек ќе се надева дека ќе се случи најлошото, тоа не бира. Вчера кичевската област беше потресена од...

[#3] Кнежино во изградба [ФОТО]

Го следиме прогресот во реализацијата на проектот за уредување на улиците и патиштата во с.Кнежино.

Акција на ЕВН во с.Кнежино

По барање на Советот на Месната заедница с.Кнежино деновиве екипа на „ЕВН МАКЕДОНИЈА“ АД Скопје,КЕЦ Кичево,на повеќе...